O 5 de abril de 1910 a cidade de Tui foi escenario da celebración, por vez primeira en Galicia, da “Festa da Árbore”, promovida na nosa cidade polo enxeñeiro de montes Rafael Areses Vidal. O Concello de Tui non quere esquecer este centenario que sinala a importancia que tivo Tui e a actividade desenvolvida polo tudense Rafael Areses na promoción da reforestación de Galicia e no respecto ao medio ambiente como un elemento básico para a educación e o progreso de Galicia.
Con tal motivo o vindeiro luns, 5 de abril, a partir das 11,30 horas desenvolverase un programa de actos que abrangue as seguintes actividades:
• Ás 11,30 h.: Visita guiada polas árbores senlleiras dos xardíns e alameda (inicio na Glorieta de Vigo.
• Ás 12,30 h.: Charla no Museo Municipal (antigo convento de San Domingos) sobre o primeiro centenario da “Festa da Árbore” en Tui.
• Ás 13,00 h.: Acto institucional na Alameda
- Descubrimento placa conmemorativa
- Discurso Alcalde
- Plantación dunha árbore
Ao remate do acto institucional, e grazas á colaboración da Consellería de Medio Rural da Xunta de Galicia, agasallarase a todas as persoas presentes cunha árbore, dispondo de ata 500 pezas para a súa distribución, en concreto das seguintes especies: Quercus robur, Betula celtiberica e Prunus avium.
Para o concelleiro de Cultura, Moisés Rodríguez, a feliz circunstancia de que esta conmemoración teña lugar no decurso das festas patronais de San Pedro González Telmo é unha magnífica oportunidade para que moitos máis tudenses poidan participar na celebración deste centenario que enriquece, pola súa parte, o programa de festexos. Moisés Rodríguez anima a todos os veciños a participar neste acto que testemuña o importante papel que desenvolveu Tui, nos primeiros anos do século XX, na promoción da reforestación, do desenvolvemento sostenible dos nosos montes. Froito desta actividade é amais desta festa da árbore, o viveiro de Areas ou o parque natural do Monte Aloia, creado grazas ao traballo de Rafael Areses Vidal.
A Festa da Árbore celebrada en Tui o 5 de abril de 1910 desenvolveuse tamén na Alameda tudense, e na mesma participaron as autoridades locais, o bispo de Tui e o novo bispo de Osma, o tudense Manuel Lago González, que recibira a ordenación episcopal na catedral tudense o día anterior. Coa participación dos alumnos dos centros escolares tudenses foron plantados naquela xornada na Alameda e lugares próximos máis de 300 árbores fornecidas polo Viveiro Forestal de Areas creado en 1908.
Con tal motivo o vindeiro luns, 5 de abril, a partir das 11,30 horas desenvolverase un programa de actos que abrangue as seguintes actividades:
• Ás 11,30 h.: Visita guiada polas árbores senlleiras dos xardíns e alameda (inicio na Glorieta de Vigo.
• Ás 12,30 h.: Charla no Museo Municipal (antigo convento de San Domingos) sobre o primeiro centenario da “Festa da Árbore” en Tui.
• Ás 13,00 h.: Acto institucional na Alameda
- Descubrimento placa conmemorativa
- Discurso Alcalde
- Plantación dunha árbore
Ao remate do acto institucional, e grazas á colaboración da Consellería de Medio Rural da Xunta de Galicia, agasallarase a todas as persoas presentes cunha árbore, dispondo de ata 500 pezas para a súa distribución, en concreto das seguintes especies: Quercus robur, Betula celtiberica e Prunus avium.
Para o concelleiro de Cultura, Moisés Rodríguez, a feliz circunstancia de que esta conmemoración teña lugar no decurso das festas patronais de San Pedro González Telmo é unha magnífica oportunidade para que moitos máis tudenses poidan participar na celebración deste centenario que enriquece, pola súa parte, o programa de festexos. Moisés Rodríguez anima a todos os veciños a participar neste acto que testemuña o importante papel que desenvolveu Tui, nos primeiros anos do século XX, na promoción da reforestación, do desenvolvemento sostenible dos nosos montes. Froito desta actividade é amais desta festa da árbore, o viveiro de Areas ou o parque natural do Monte Aloia, creado grazas ao traballo de Rafael Areses Vidal.
A Festa da Árbore celebrada en Tui o 5 de abril de 1910 desenvolveuse tamén na Alameda tudense, e na mesma participaron as autoridades locais, o bispo de Tui e o novo bispo de Osma, o tudense Manuel Lago González, que recibira a ordenación episcopal na catedral tudense o día anterior. Coa participación dos alumnos dos centros escolares tudenses foron plantados naquela xornada na Alameda e lugares próximos máis de 300 árbores fornecidas polo Viveiro Forestal de Areas creado en 1908.
No hay comentarios:
Publicar un comentario